Tuesday, May 29, 2007

من سيربح المليون

سلام سلام
جاي اقولكم كلام يمكن بيوجع
بس عايزين نتحرك قوام
واول ما هبداء هترحم على فارس كان بمعنى الكلام
قولوا عليه ديكتاتور الحمد لله مكنش طور
الله يرحمك يا ناصر الله يرحمك يا فارس بمعنى كل الكلام
الله يرحم العزة والبطولة من بعدك يا بطل العروبة
لو كنت عايش مكنش اتجمعو علينا الكلاب ينهشوا في لحم الفتيات
هما فعلا كلاب لا عرب ولا احباب
عايزين يذلوا العرب والعروبة ناسين ان الرسول علية الصلاة والسلام
اوصى بأهل مصر اصلهم نسب وصهر
ونسيوا كلام الله ان خير جند الارض بمصر
هما نسيو واحنا نسينا وعايشين على الاطلال
بنقول مصر الحضارة والمنارة ابطال الحروب
مقبرة الاعداء مجمعين العروبة تحت لواء الله
مصر النجيبه انجبت العلماء والفقهاء والادباء والشعراء
مصر العروبة والبقاء اهل الكرم محبة كل العرب
يا حكومة هانت عليكم اذلال ولادك
وميهونش ليه لما كل يوم يقتلو فينا علي ايد اليهود
وبعد الازهر منارة العلم والاسلام لاعلام اى كلام
وكان لكل صفوة شريف اهان الكيان
يا راجل مصر لوبناتنا هانت على حكومتنا
احنا ميهونش علينا بناتنا اخواتنا وامهاتنا
قبل كدة حبيبة ينهشها كلب ابن الامير
ودلوقتى عايزين ينهشونا بكلام حقير
يا رجالنا فين الضمير
ومن سيربح المليون
مليون فتاة يا حكومة

Sunday, May 6, 2007

وداعاٌ رمسيسنا

في يوم عدى مسؤل من مسائلينا علي رمسيسنا
ولاقه مهموم وحزين ومضايق
راح علطول واقف وعلى رجليه ورايح
سائلوة مالك يا رمسيسنا مين اللي مزعلك يا حبيبنا
رد وقال زحمة ودوشة وعربيات وعوادم
راح مفكر وقال خلاص يا حبيبنا
من بكرة نبني جراج لعربيتنا
وراح مسؤلنا وعمل منقصات
وراح منادي علي محمد وعودة وشنودة
قالهم رمسيسنا وعايزين جراج يحللنا مشاكلنا
والفلوس مش مهم المهم راحة حبيبنا
واهي الملايين ملايانه في خزينا
وقام محمد وعودة وشنودة يوم وراء يوم وشهر وراء شهر
يبنو جراج لحل مشكلة رمسيسنا
وفي يوم ومش فاهمين ليه وقبل ميخلصو جراجنا
عدى مسؤل من مسائلنا وقال هدوة وصرخنا ورمسيسنا
قال اسئلوة وارضوة
رجع مسؤلنا لرمسيسنا وقالوة طلباتك يا حبيبنا
قال خلاص مش قادر اكمل
رد مسؤلنا قالوة في متحف جديد بيبنوة تحب تروح
رد وقال اي مكان هدوء وهوا نظيف
رد مسؤلنا قالوة بس تستنى شوية لغاية ما نلاقى عربيه تليق بمقامك
وراح قوام وعمل منقصاته وطبعا تحت شعار المهم راحة رمسيسنا والملايين ملايانه جوا خزينه
وعملوها وعلي المكيت في الاول جربوها
وفي يوم حزين عزل رمسسينا
وداعاٌ رمسيسنا
بالذمة في حكومة احلى من حكومتنا